Սուդանի մայրաքաղաք Խարթումում սկսվել են հակակառավարական ելույթներ՝ «Ժողովուրդը պահանջում է ռեժիմի տապալում» լոզունգի ներքո: Այս մասին հայտնում է Reuters-ը:
Հենց այդ լոզունգների ներքո են սկսվել ու իրականացվել հեղափոխություններն արաբական երկրներում, այդ թվում՝ Թունիսում, Եգիպտոսում, Լիբիայում, Սիրիայում:
Խարթումում ցույցերի սկսման համար առիթ են հանդիսացել կառավարության վերջերս կատարած նորամուծությունները բյուջետային ծախսերի կրճատման վերաբերյալ, ինչը հանգեցրել էր առաջին անհրաժեշտության ապրանքների գնաճի կտրուկ բարձրացմանը ու բնակչության աղքատ շերտերի դրության վատթարացմանը:
Ցույցերում հիմնական շարժիչ ուժ են ծառայել ուսանողները, որոնք կախված են կառավարության նպաստներից ու այլ սոցվճարներից:
Ոստիկանները շրջապատել են տեղի համալսարանական շրջանն ու սկսել են քշել ցուցարարներին ռետինե մահակներով ու արցունքաբեր գազով: Ուսանողներն ի պատասխան քարեր ու փայտեր են նետել: