Գերմանիայի դատարանը վճռել է, որ Անգելա Մերկելի կառավարությունը հաշվի չի առել խորհրդարանի կարծիքը՝ կապված եվրոգոտու օգնության հիմնադրամի, այսպես կոչված՝ Կայունության եվրոպական մեխանիզմի (ESM) ստեղծման հարցում, որը պետք է օգնի Եվրոպային հաղթահարել պարտքային ճգնաժամը,- հաղորդում էBBC-ն:
ESM-ի նպատակն է փոխարինել ֆինանսական կայունության եվրոպական հինադրամին (EFSF), որը 2010 թ. ստեղծվել էր եվրոգոտու երկրներին աջակցելու նպատակով:
Ենթադրվում էր, որ օգնության հիմնադրամը աշխատանքները կսկսի այս տարվա հուլիսից, սակայն եվրոգոտում մի շարք անդամ երկրների օրենսդիրներ մինչ այժմ չեն վավերացրել դրա ստեղծման համաձայնագիրը:
Սահմանադրական դատարանի որոշումից հետո եվրոյի փոխարժեքը դոլարի նկատմամբ ընկել է:
BBC-ի թղթակիցն ասում է, որ դատարանի որոշումը կարող է կապել Մերկելի ձեռքերը, որը ստիպված կլինի իր որոշումները համաձայնեցնել իր քաղաքական հակառակորդների հետ:
