Նավթի գների աճի տեմպը միջազգային շուկաներում ուբաթ օրը` փետրվարի 4-ին, նվազեց` պայմանավորված այն լուրերով, թե Եգիպտոսում շուտով իրավիճակը կկայունանա:
Brent Crude Oil մակնիշի մարտյան ֆյուչերսների գինը Լոնդոնի IСE (InterContinental Exchange Futures) բորսայում երկուշաբթի աճեց 0,39 դոլարով` կազմելով 100,22 դոլար 1 բարելի դիմաց:
Նյու Յորքի NYMEХ (New York Merchantile Exchange) բորսայում մարտ ամսվա ֆյուչերսների գինը Light Sweet Crude Oil մակնիշի ամերիկյան թեթև նավթի համար բարձրացավ 0.13 դոլարով` մինչև 89,16 դոլար 1 բարելի դիմաց:
ԱՄՆ աշխատանքի նախարարության տվյալներով, ԱՄՆ-ում գործազրկության մակարդակը 2010 թ. դեկտեմբերի 9.4%-ից 2011 թ. հունվարին իջել է 9%-ի, այն պարագայում, երբ սպասվում էր 9.5% ցուցանիշ:
Հունվարին գործազուկների թիվը ԱՄՆ-ում կազմել է 13.9 միլիոն մարդ` նախորդող ամսվա 14.5 մլն-ի դիմաց: Այս հանգամանքը նպաստում է նավթի գների բարձրացմանը, իսկ Եգիպտոսում իրավիճակի համեմատաբար կայունացումը նպաստում է գների նվազմանը: