Ամերիկացի լարագնաց Նիկ Վալենդը երեկ դարձել է վերջին 100 տարվա ընթացքում առաջին մարդը, ում հաջողվել է անցնել Նիագարայի ջրվեժի վրայով անցկացված լարի վրայով՝ այդպիսով հատելով Կանադայի և ԱՄՆ միջև սահմանը։ Այս մասին հաղորդում է Associated Press գործակալությունը։
Այս իրադարձությանը հետևում էր ավելի քան 100 հազար զբոսաշրջիկ։ Նշվում է, որ լարի հաստությունը եղել է 5 սմ։ Ուժեղ հոսանքների պատճառով լարը հաճախակի էր շարժվում, ինչի հետևանքով Վալենդի անցումն անչափ վտանգավոր էր։
Վերջին 100 տարիների ընթացքում կանադական և ամերիկյան իշխանությունները թույլ չէին տալիս հատել Նիագարայի ջրվեժը նրա վրա կախված լարի վրայով։