Եվրոպայի ֆուտբոլի առաջնության շրջանակներում Դանիա-Պորտուգալիա խաղի ժամանակ (2:3) 2 գոլի հեղինակ դարձած՝ Դանիայի հավաքականի հարձակվող Նիկլաս Բենդթները կարող է անախորժություններ ունենալ
Բանն այն է, որ գոլ խփելուց հետո ֆուտբոլիստը բարձրացրել է շապիկը՝ մարզադաշտին ցուցադրելով իր վարտիքը՝ իռլանդական Pаddy Power բուքմեյքերական ընկերության տարբերանշանով: Վերջինս էլ մի քանի րոպե հետո իր կայքում տեղադրել է դանիացու լուսանկարների շարքը, որում երևում է ներքնազգեստը:
«Եվրո-2012»-ի տվյալների համաձայն՝ ֆուտբոլիստների հագուստի վրա չի կարող գովազդային գրություն լինել:
Դանիայի ֆուտբոլի ասոցիացիային նույնպես դուր չի եկել ֆուտբոլիստի այդ քայլը, քանի որ նրա հովանավորը մեկ այլ բուքմեյքերական ընկերություն է՝ Ladbrokes-ը:
Այդ կապակցությամբ կազմակերպության ղեկավարությունը խոսել է ֆուտբոլիստի հետ, որը հավատացրել է, որ հաջորդ խաղին այդ վարտիքը չի հագնի:
