Ինչպես պնդում են «ժողովուրդ»-ի աղբյուրները, իշխանական որոշ շրջանակներ ԲՀԿ նախագահ Գագիկ Ծառուկյանին ստիպել են անել ամեն ինչ, որպեսզի Վարդան Օսկանյանը չմտնի խորհրդարան:
«Երբ Ծառուկյանն այս հարցով խոսել է Օսկանյանի հետ, վերջինս հրաժարվել է կատարել պահանջը, նույնիսկ նշել, որ հարկ եղած դեպքում ինքը դուրս կգա կուսակցությունից՝ խոստանալով միջազգային աղմուկ ապահովել իր մանդատի շուրջ: «Ես հո Հմայա՞կը չեմ»,-տարակուսել է Օսկանյանը: Եվ այն բանից հետո, երբ նա դարձավ պատգամավոր, սկսվեցին արդեն քրեական հետապնդումները»:
Ծառուկյանի խոսնակ Իվետա Տոեոյւսնը անհեթեթ է համարել շրջանառվող լուրերը. «Բացարձակ անհեթեթություն է, որևէ մեկը չի կարող պարոն Ծառուկյանին ինչ-որ բան ստիպել, նրա հետ պայմանների լեզվով խոսել»:
«Բայց փաստ է, որ ԲՀԿ-ն այսօր անելանելի վիճակում է հայտնվել, մի կողմից նա չի ցանկանում սատարել Օսկանյանին, մյուս կողմից չի կարող անտեսել կատարվողը»,- հավելում է թերթը:
