Հունաստանի ազգային հավաքականի գլխավոր մարզիչ Ֆերնանդու Սանթուշը հայտնել է, որ Չեխիայի հետ այսօր կայանալիք հանդիպմանն իր թիմը հաղթանակի է ձգտելու:
«Բազմիցս եմ ասել` ֆուտբոլում կարևորը չպարտվելն է: Այդ թվում՝ նաև չեխերի հետ հանդիպմանը: Չկարծեք, թե մենք չենք ուզում հաղթանակ տանենք: Պարզապես, եթե դա չի ստացվում, շատ կարևոր է նաև չզիջելը: Առաջինը, ինչ ես արեցի՝ գլխավորելով Հունաստանի հավաքականը, այդ միտքը հասցրի իմ սաների գիտակցությանը: Այնպես որ, Չեխիայի հետ հանդիպմանը խաղադաշտ ենք դուրս գալու հաղթելու համար: Եվ ոչ մի դեպքում չենք պարտվելու:
Ռուսաստանն իսկապես ֆավորիտ է: Սակայն մենք չենք ցանկանում խորհել երկրորդ տեղի մասին, եթե շանս ունենք զբաղեցնելու առաջինը: Տեսնենք՝ ով որքան միավոր վաստակած կլինի խմբային փուլի ավարտից հետո»,- «Советский спорт»-ը մեջբերում է մասնագետի խոսքերը:
