ՕԵԿ անդամ Էդուարդ Մադաթյանի՝ Խուճուճ Էդոյի եղբայր Գրիգոր Մադաթյանը, ով արտակարգ իրավիճակների նախարարության տեխնիկական անվտանգության ազգային կենտրոնի տնօրենի տեղակալն էր, ազատվել է աշխատանքից:
«Հրապարակ»-ին հասած լուրերով, նրան ազատել են աշխատանքից, և դա պայմանավորված է խորհրդարանական ընտրությունների ժամանակ ՕԵԿ օգտին նրա և իր եղբոր՝ էդուարդ Մադաթյանի կատարած աշխատանքով ու ապահոված արդյունքներով:
«ՕԵԿ-ում ակնկալիքներ ունեին, որ հատկապես էրեբունի համայնքում մադաթյանները կուսակցության համար մեծ թվով ձայներ կբերեն, սակայն սպասելիքները չեն արդարացել: էդուարդ Մադաթյանը երեկ չպատասխանեց մեր հարցերին, ասաց, որ Հայաստանում չէ: ԱԻՆ լրատվության վարչության պետ Նիկոլայ Գրիգորյանը հաստատեց մեր տեղեկությունը, թե Գրիգոր Մադաթյանը մայիսի 11-ին աշխատանքից ազատվելու դիմում է ներկայացրել՝ «այլ աշխատանքի տեղափոխվելու պատճառով», իսկ մայիսի 14-ին ազատվել է աշխատանքից: Ի դեպ, Է. Մադաթյանն ու Արմեն Երիցյանը բավական ջերմ ընկերական հարաբերություններ ունեն կամ՝ ունեին»:
Լուսանկարը՝ PanARMENIANPhoto-ի
