Երևանի նախկին քաղաքապետ Սուրեն Աբրահամյանի համար ամենամեծ հուշարձանը, ամենամեծ արժեքը երևանցի լինելն է:
«Ինձ համար ամենամեծ պատիվը, արժեքը երևանցի լինելն է:
Սիրում եմ Հանրապետության հրապարակը, որովհետև Թամանյանական մտահաղացումը արևի, գեղեցկության, կյանքի, սիրո խորհրդանշումն է, ու մենք էլ դեռ չենք փչացրել Հանրապետության հրապարակը` հուրախություն մեզ բոլորիս»:
Սուրեն Աբրահամյանը հիշում է, որ նախկինում մեծ հետաքրքրություն կար հատկապես Իսահակյանի արձանի հանդեպ և ցավում արձանի այսօրվա վիճակի համար.
«Ցավոք, որ այդ լավ արձանն այսօր «սրճարանապատվել», «կրպակապատվել» է: Շատ եմ ափսոսում թե՛ Իսահակյանի արձանի համար, թե՛ նրա շուրջը ստեղծված ոլորտի համար:
Կարծում եմ, որ շատ զգույշ պետք է լինի արձան տեղադրելու հարցը, որ երբեմն կամայական մոտեցումների հետևանքով մեր քաղաքում չհաջողված արձաններ չտեղադրվեն: Պետք է առաջնորդվել «Յոթը չափել, մեկը կտրել» սկզբունքով, որ քաղաքը անճաշակություներով չզարդարենք»:
