Իրանական IRNA լրատվական գործակալության փոխանցմամբ՝ Շանհայի համագործակցության կազմակերպության (ՇՀԿ) աշխատանքային խումբը դիտարկում է ՇՀԿ-ին Իրանի ու այլ երկրների անդամակցության հարցը: Այս մասին հայտարարել է ՇՀԿ-ի գլխավոր քարտուղար Մուրադբեկ Իմանալիևը:
Վերջինս ընդգծել է, որ ՇՀԿ-ին չեն կարող անդամակցել այն երկրները, որոնց նկատմամբ ՄԱԿ-ը պատժամիջոցներ է կիրառել՝ հավելելով, որ դա չի նշանակում, թե Իրանի անդամակցության հարցը չի դիտարկվելու:
Հիշեցնենք, որ ներկայումս Իրանը ՇՀԿ-ում ունի դիտորդ երկրի կարգավիճակ: