Այս շաբաթ Աֆղանստանի տարբեր մարզերում մահապարտ ահաբեկիչները բազմաթիվ հարձակումներ են գործել ոստիկանական բաժանմունքների վրա: Այդ ահաբեկչությունների հետևանքով զոհվել է 9 ոստիկան և մի քանի խաաղաղ բնակիչ:
Երկրի հարավում Կանդահար մարզում ահաբեկիչը ոստիկանության շենքի մոտ պայթեցրել է ականապատ ավտոմեքենա տեղի: Այդ մարզի նահանգապետի հայտարարության համաձայն՝ զոհվել է 4 ոստիկան և մեկ պատահական անցորդ: Վիրավորվել է 12 մարդ, այդ թվում՝ 5 դպրոցական:
Արևելյան Նանգարհար մարզում մահապարտը հարձակվել է ոստիկանական անցակետի վրա, որի հետևանքով 2 ոստիկան է սպանվել:
Երկրի հյուսիսում՝ Կունդուզ մարզում, ականի վրա ավտոմեքենա է պայթել, զոհվել է 3 ոստիկան: Այդ բոլոր հարձակումների համար պատասխանատվությունը ստանձնել են թալիբները:
Օրերս Աֆղանստանի կառավարությունը հայտարարել էր, որ երկրի անվտանգության ուժերը անցել են գործողությունների երրորդ փուլին, որի ընթացքում անվտանգության ապահովման պատասխանատվությունը միջազգային կոալիցիայի ուժերից կփոխանցվի աֆղանական բանակին և ոստիկանությանը: