Թուրքական Radikal թերթի փոխանցմամբ՝ երեկ Թուրքիայի խորհրդարանը քննարկել է (քրդերի) ցույցերի ցրման ժամանակ թուրքական ոստիկանության կողմից հաճախակիորեն արցունքաբեր գազի կիրառման հարցը:
Դա վեճի տեղիք է տվել քրդական «Խաղաղություն ու ժողովրդավարություն» կուսակցությունը (ԽԺԿ) ներկայացնող պատգամավոր Սյուրեյա Օնդերի և ներքին գործերի նախարար Իդրիս Նաիմ Շահինի միջև: Օնդերը Շահինին հարցրել է, թե լավ կլինի՞, եթե նախարարի վրա արցունքաբեր գազ թողնի, ինչին ի պատասխան՝ Շահինն ասել է, որ սպասում է դրան:
Ապա գործը քիչ է մնացել հասնել ծեծկռտուքի, երբ Օնդերը փորձել է բռունցքով հարվածել Շահինին, սակայն պատգամավորները միջամտել են և կանխել են ծեծկռտուքը: Ավելի ուշ Օնդերը նկատել է, որ արցունքաբեր գազի գործածումից մեծապես տուժում են քրդերը, ալևիները, ձախերը, հայերը:
