Ինչպես հաղորդում է Reuters գործակալությունը, Եմենի նախագահ Ալի Աբդուլլահ Սալեհը չի պատրաստվում իր թեկնածությունը առաջադրել հաջորդ նախագահական ընտրությունների ժամանակ և չի պատրաստվում պաշտոնը փոխանցել իր որդիներից մեկին:
Եմենի նախագահին այս քայլին դրդել են բազմահազարանոց ցույցերը, որոնք մեկ ամիս շարունակ ցնցում են երկիրը: Ցույցերը հետևել են Թունիսի հեղաշրջմանը: Եգիպտոսի օրինակով, Եմենում էլ է նախատեսվում փետրվարի 3-ին կազմակերպել «ցասման օր»:
Հիշեցնենք, որ Եմենի նախագահ Ալի Աբդուլլահ Սալեհը պաշտոնավարում է 1978 թվականից: Այս պահին խորհրդարանում գտնվում է մի օրինագիծ, որով նախատեսվում էր նրա պաշտոնավարումը դարձնել ցմահ: Վերջին անգամ նա ընտրվել է 2006 թ.: