ՄԱԿ-ի մարդու իրավունքների գլխավոր հանձնակատար Նավի Փիլայը հայտարարել է, որ ինքը մտահոգված է Եգիպտոսում բախումների հետևանքով սպանվածների և տուժածների թվով:
«Ես կոչ եմ անում եգիպտական իշխանություններին կարգադրել ոստիկանությանը և այլ ուժային կառույցներին խուսափել անհամաչափ ուժի կիրառումից։
Նաև կարիք կա լիակատար քննել վերջին մի քանի օրերին անվտանգության ուժերի մասնակցությամբ բռնարարքները»,- ասվում է հանձնակատարի հայտարարության մեջ:
Հանձնակատարը նաև հայտնել է, որ, չհաստատված տվյալներով, զոհվածների թիվը կարող է հասնել 300-ի:
Այս մասին հաղորդում է CNN հեռուստաընկերությունը: Փիլայը նաև ողջունել է եգիպտական բանակի հայտարարությունները, համաձայն որոնց՝ զիինվորականները ուժ չեն կիրառի ժողովրդի դեմ: