ԱՄՆ-ի նախագահ Բարաք Օբաման չի մասնակցի ԱՊԵԿ-ի վեհաժողովին, որը կայանալու է Վլադիվոստոկում: Այս մասին հաղորդել է Սպիտակ տան մամլո խոսնակ Ջեյ Քարնին:
Ռուսական լրատվամիջոցներում շրջանառվում էր այն լուրը, որ ՌԴ նախագահ Վլադիմիր Պուտինի որոշումը չմեկնել «Մեծ ութնայկի» վեհաժողվին անակնկալի է բերել ԱՄՆ նախագահին: Նա հույս ուներ հանդիպել ռուս գործընկերոջ հետ G8-ի համագումարի ժամանակ:
Տարբեր աղբյուրներ հայտնել են, որ Բարաք Օբաման արդեն քայլն արել է՝ ի պատասխան Պուտինի հայտարարելով, որ չի կարող ժամանել Վլադիվոստոկ: Պաշտոնական պատճառաբանությունը, ինչպես Պուտինի դեպքում, դարձել է Դեմոկրատական կուսակցության հավաքը: Այդ հավաքը սկսվելու է սեպտեմբերի 3-ին, իսկ ԱՊԵԿ-ի վեհաժողովը տեղի է ունենալու սեպտեմբերի 1-8-ը:
Սակայն հենց նույն Քարնին այս լուրերը հերքում էր, նշելով, որ իրենք Պուտինի որոշումից հիասթափված չեն: Լրագրողների այն հարցին, թե այս իրավիճակը կարո՞ղ է անդրադառնալ Օբամայի՝ ԱՊԵԿ-ի վեհաժողովին մասնակցելու որոշման վրա` նա պատասխանել է. «Ո՛չ, միանշանակ՝ ոչ»:
