Eurosport-ի հաղորդմամբ, «Ինտեր»-ը 40 մլն ֆունտ է առաջարկում անգլիական «Տոտենհեմ»-ի ունիվերսալ ֆուտբոլիստ Գարեթ Բեյլի համար: Միլանցիների այս առաջարկը լուրջ մտահոգություն է առաջացրել Մադրիդի «Ռեալ»-ի ղեկավարության մեջ, ովքեր նույնպես բրիտանացուն ձեռք բերելու ցանկություն ունեն:
Գործարքի կայացման դեպքում Բեյլը կդասվի ամենաթանկ ֆուտբոլիստների թվին. մինչ այսօր միայն չորս խաղացողներ են ավելի մեծ գումարներով տեղափոխվել այլ ակումբներ` Ռոնալդուն («Մանչեսթր Յունայթեդ»-ից «Ռեալ» 80 մլն ֆունտ), Իբրահիմովիչը ( «Ինտեր»-ից «Բարսելոնա» 56,5 մլն ֆունտ), Կական ( «Միլան»-ից «Ռեալ» 56 մլն ֆունտ) և Զիդանը ( «Յուվենտուս»-ից «Ռեալ» 56 մլն ֆունտ):
