«Չելսի»-ի կիսապաշտպան Ֆրենկ Լեմպարդը մեկնաբանել է Անգլիայի Գավաթի խաղարկության եզրափակիչում «Լիվերպուլ»-ի նկատմամբ իր թիմի հաղթանակը:
«Հիշարժան օր է: Մենք անհամբերությամբ էինք սպասում այս եզրափակիչին և այժմ հրաշալի զգացմունքներ ունենք: Իհարկե կնշենք հաղթանակը: Բայց չպետք է մոռանալ, որ երեքշաբթի հերթական հանդիպումն ենք անցկացնելու:
Խաղը դժվար էր, սակայն մենք արժանի էինք հաղթելու: Դրոգբան իսկական հերոս է: Երբեք չեմ հանդիպել ռմբարկուի, ով կարողանում է այսքան կարևոր գոլերի հեղինակ դառնալ եզրափակիչներում:
Իսկ մեր ակումբի գլխավոր մարզչի պաշտոնակատարը` Ռոբերտո դի Մատեոն, գովասանքի է արժանի: Հենց նա է «Չելսի»-ի համար փոխել մրցաշրջանի ընթացքը»,- հայտնել է Լեմպարդը բրիտանական հեռուստաալիքներից մեկի եթերից:
