Բրիտանական ինտերնետ-հսկաները միավորվել են՝ պայքարելու օնլայն պոռնոգրաֆիայի ավտոմատ արգելափակման դեմ՝ ասելով, որ իրենք չպետք է ոստիկանի դերում լինեն:
Ոմանք կարծում են, որ դա հարված կհասցնի ինտերնետ-պրովայդերների բիզնեսին՝ մարելով որոշ սպառողների հետաքրքրությունը համացանցի հանդեպ: Խորհրդարանի անդամները կարծում են, որ ժամանակն է վերահսկել ինտերնետն այնպես, ինչպես հեռուստատեսությունը՝ այդպիսով զերծ պահելով անչափահասներին պոռնո կախվածությունից:
Երկուշաբթի Մեծ Բրիտանիայի Գերագույն դատարանը հաստատեց, որ 5 խոշորագույն ինտերնետ-պրովայդերները պետք է արգելափակեն օգտատերերի մուտքը անօրինական բովանդակություն ունեցող կայքեր: Սա լուծման մի մասն է: Նրանք, ովքեր կցանկանան մուտք գործել պոռնո-կայքեր, հնարավորություն կունենան արգելքը շրջանցել: