Грузия Online-ի փոխանցմամբ՝ ԱՄՆ-ը 3.75 միլիոն դոլար է հատկացրել Վրաստանի ազգային ինտեգրմանը: Այսօր Թբիլիսիում գտնվող Եվրոպական տանը տեղի է ունեցել ԱՄՆ-ի կողմից ֆինանսավորվող «Ազգային ինտեգրման աջակցման» նախագծի շնորհանդեսը:
Վրաստանում ԱՄՆ դեսպան Ջոն Բասսը հայտարարել է, որ նախագծի նպատակը հանդուրժողականության ձևավորումն է և ազգային ինտեգրման հարցում աջակցության ցուցաբերումը: Այդ նախագիծը հանդիսանում է 2006 թվականից ԱՄՆ-ի կողմից ֆինանսավորվող ծրագրի շարունակությունը:
Նախագծով նախատեսված է հասարակական կազմակերպությունների բազայի հիման վրա ստեղծել երիտասարդական ակումբ, որը կնպաստի տարբեր էթնիկ խմբերի ներկայացուցիչների միմյանց հետ շփմանը: Նախագծի իրագործման համար ԱՄՆ Միջազգային զարգացման հիմնադրամը (USAID) հատկացնելու է 3.75 միլիոն դոլար: