Տրանսպորտի և կապի նախարար Մանուկ Վարդանյանը այսօր լրագրողների հետ հանդիպման ժամանակ դժգոհեց «Հայփոստի» աշխատանքից։ Հիշեցնենք, որ փոստի կառավարիչը՝ արգենտինահայ գործարար Էդուարդո Էռնեկյանին պատկանող «Հայփոստ Թրասթ Մենեջմենթ» ընկերությունն է։ «Գոհունակություն չենք կարող հայտնել փոստից։ Փոստի կառավարման մոդելն ամբողջությամբ պետք է փոխվի»,- նշեց Մ. Վարդանյանը։ Ըստ նրա`փոստը պետք է կոնցեսիոն կառավարման հանձնվի, որպեսզի իր միջոցների հաշվին ներդրումներ իրականացնի։ Մ. Վարդանյանը գոհ չէր նաև թոշակների բաժանման գործընթացից, որը 2011 թ. հունվարի 1-ից իրականացնում է «Հայփոստը»։ Նախարարի խոսքով, «Հայփոստը» չունի բավարար տեխնիկական պայմաններ թոշակները բաժանելու համար: