Marvel կոմիքսների հիման վրա «Ռոսոմախա» ֆիլմի նկարահանումները տեղի կունենան ավստրալական Սիդնեյ քաղաքում: Այս մասին հաղորդվում է Deadline կայքում:
Նկարահանումների վայրի ընտրությունը բացատրվում է նրանով, որ Ավստրալիայի կառավարությունը համաձայնել է ֆիլմի ստեղծողներին տրամադրել 12.8 մլն դոլար դոտացիա:
«Ռոսոմախայի» բյուջեն կազմում է 80 մլն դոլար: Ֆիլմի նկարահանումները պետք է սկսվեն 2012թ. օգոստոսին:
«Ռոսոմախան» 2009թ. նկարահանված «Իքս մարդիկ. Սկիզբ. Ռոսոմախա» ֆիլմի շարունակությունն է: Առաջին ֆիլմի հեղինակը Գևին Հուդն է: Ֆիլմը վարձույթում հավաքել է 373 մլն դոլար 150 մլն դոլար բյուջեի դիմաց:
Սիքվելի ռեժիսոր է նշանակվել Ջեյմս Մենհոլդը: «Ռոսոմախայի գլխավոր հերոսին` մուտանտին, կմարմնավորի Հյու Ջեքմանը:
Այս տարվա փետրվարին հայտարարվել էր, որ ժապավենը լույս կտեսնի 2013թ. հուլիսի վերջին:
