Թիվ 1 ընտրատարածքում մեծամասնական ընտրակարգով պատգամավորության թեկնածու առաջադրված Հայաստանի ֆուտբոլի ֆեդերացիայի նախագահ Ռուբեն Հայրապետյանը, որը խորհրդարանական ընտրություններում պայքարում է ինքնաառաջադրված լրագրող Գայանե Առուստամյանի հետ, ի պատասխան «Առաջին լրատվական»-ի այն հարցին, թե ինչու ուժեղ սեռի մի շարք այլ թեկնածուների նման չհանեց իր թեկնածությունը կամ չփոխեց իր ընտրատարածքը, որպեսզի առաջադրված կին թեկնածուն` Գայանե Առուստամյանը կարողանա հաղթել, Ռուբեն Հայրապետյանն ասաց` «Նախ ես մի քանի անգամ ասել եմ, որ ես բոլորին մրցակից եմ համարում ինձ և բոլորն էլ հաղթելու հնարավորություններ ունեն: Ինչ վերաբերվում է Գայանե Առուստամյանին, ասել եմ, որ նրան անձամբ չեմ ճանաչում: Ես վերջերս իմացել եմ, որ Գայանե Առուստամյանի հայրն արցախյան պատերազմի մասնակից է, հրամանատար ու ես մեծ ակնածանքով եմ վերաբերվում այդ փաստին: Ես շատ եմ հարգում մեր արցախյան պատերազմի հերոսներին, բայց եթե Գայանեին ՀԱԿ-ը չպաշտպաներ, ես միանշանակ կհանեի իմ թեկնածությունը: Ես դա չարեցի, քանի որ Գայանե Առուստամյանին սատարում էր ՀԱԿ-ը»: