Աշխարհում խոշորագույն կորպորացիաներ Apple-ը, Google-ը, Intel Corp-ը ու ևս 14 ՏՏ ոլորտի ընկերություններ չեն կարողացել մինչ դատը կարգավորել հակամենաշնորհային հայցը, որտեղ ընկերությունները մեղադրվում են «աշխատավարձային պայմանավորվածության» մեջ: Վերջիններս չեն կարողացել պայմանավորվել նաև մեկը մյուսի թոփ մենեջերներին չխլելու համաձայնագրի կնքման վերաբերյալ: Այս մասին հայտնում է Reuters գործակալությունը:
Ծրագրային ապահովման 5 վերամշակող ընկերություններ դեռ մեկ տարի առաջ դատարան հայց էին ներկայացրել ընկերությունների դեմ` նրանց մեղադրելով աշխատավարձային §պայմանավորվածության» մեջ, ինչի նպատակը աշխատավարձի չափը սահմանափակելն է ու աշխատակիցների մոբիլությունը: Հայցվորների տվյալներով` չստացված փոխհատուցման չափը գնահատվում է մի քանի միլիոն դոլար:
Ընկերություններն իրենց հերթին դատարան են դիմել` խնդրելով մերժել վերամշակող ընկերությունների հայցը, սակայն Կալիֆոռնիայի դատարանը մերժել է դա անել:
2010թ. նման մեղադրանք էր առաջ քաշել ԱՄՆ արդարադատության նախարարություը: Հիմա ՏՏ ոլորտի խոշորագույն ընկերությունները պետք է կանգնեն դատարանի առաջ, ու գուցե` փոխհատուցում տրամադրեն աշխատակիցներին:
Նման համաձայնության գոյությունը հաստատող վկայություններից մեկը Apple-ի նախկին ղեկավար Սթիվ Ջոբսի ու Google-ի ղեկավար Էրիկ Շմիդտի նամակագրությունն է: Նամակներից մեկում Ջոբսը Շմիդտին խնդրել է դադարեցնել աշխատակիցների որսը, ի պատասխան, Google-ի HR-դեպարտամենտը ներողություն է խնդրում Apple-ից ու պատրաստակամություն է հայտնում աշխատանքից հեռացնել այն աշխատակցին, որը աշխատանքի է ընդունել Apple-ի ինժեներին:
Գործով անցնում են նաև ամերիկյան հայտնի ընկերությունները` Adobe Systems, Intuit Inc, Pixar и Lucasfilm: