Հունվարի 23-ին մեկնարկած Գերմանիայի առաջնության 19-րդ տուրի առաջին խաղում «Համբուրգ»-ը սեփական հարկի տակ պարտության մատնեց «Այնտրախտ»-ին: Հանդիպման միակ գոլը 65-րդ րոպեին խփեց Խորվաթիայի հավաքականի հարձակվող Մլադեն Պետրիչը:
Գերմանիայի առաջնության առաջին խաղաշրջանի հիմնական սենսացիաների հեղինակ «Մայնց»-ը 0:1 հաշվով պարտությունը կրեց «Վոլֆսբուրգ»-ից և մրցաշարային աղյուսակում չորրորդ տեղը զիջեց «Բավարիա»-ին:
Մյունխենցիներն իրենց հերթին 5:1 հաշվով ջախջախիչ հաղթանակ տարան «Կայզերսլաուտերն»-ի նկատմամբ. հեթ տրիկի հեղինակ դարձավ Մարիո Գոմեսը, մեկական անգամ էլ աչքի ընկան Ռիբերին ու Մյուլլերը:
Դորտմունդի «Բորուսիա»-ն «Սիգնալ Իդունա Պարկ» մարզադաշտում ընդունեց «Շտուգարտ»-ին և չկարողացավ հաղթել: 43-րդ րոպեին Մարիո Գյոթսեի խփած գոլին 85-րդ րոպեին պատասխանեց «Շտուտգարտ»-ի ռուս լեգիոներ Պավել Պոգրեբնյակը:
Մրցաշարային աղյուսակի երկրորդ և երրորդ տեղերում ընթացող «Հանովեր»-ն ու «Բայեր»-ը տեղերով փոխվեցին: «Հանովեր»-ը սեփական խաղադաշտում զիջեց «Շալկե»-ին. հանդիպման միակ գոլը խփեց լեգենդար Ռաուլը, իսկ «Բայեր»-ը հյուրընկալվելիս 1:3 հաշվով առավելության հասավ «Բորուսիա Մյունխենգլադբախ»-ի նկատմամբ:
Մյուս հանդիպումներում գրանցվեցին հետևյալ արդյունքները. «Ֆրայբուրգ» – «Նյուրնբերգ»` 1:1, «Քյոլն» – «Վերդեր»` 3:0, դուբլի հեղինակ դարձավ Պոդոլսկին, «Հոֆենհայմ» – «Ստ. Պաուլի»` 2:2: