Խոսակցությունները, թե «Ժառանգություն» կուսակցությունը չի մասնակցում Հանրային վերահսկողության շտաբի աշխատանքներին, իրականությանը չեն համապատասխանում. շտաբի կառուցվածքի վերաբերյալ այսօր կայացած քննարկման ժամանակ ասաց Քաղաքագետների միության նախագահ Հմայակ Հովհաննիսյանը:
«Երեկ, երբ «Ազատ դեմոկրատներ» կուսակցության նախագահ Խաչատուր Քոքոբելյանից հարցրի՝ մասնակցելո՞ւ են իրենք ու «Ժառանգություն»-ը շտաբի հետագա աշխատանքներին, նա պատասխանեց՝ այո: Այնպես որ, Lragir.am կայքում զետեղված տեղեկատվությունը, համաձայն որի՝ «Ժառանգություն» կուսակցության փոխնախագահ Ռուբեն Հակոբյանը չի ցանկանում մասնակցել մեր նախաձեռնությանը, միայն նրա անձնական կարծիքն է»,- ասաց նա:
