ՄԱԿ-ում Ռուսատանի մշտական ներկայացուցիչ Վիտալի Չուրկինը շաբաթ օրը հայտարարել է, որ ռուսական կողմին բավարարում է Սիրիայում ՄԱԿ-ի դիտորդական առաքելություն ուղարեկու բանաձևի տեքստը:
«Մենք բավարարված ենք և կարող ենք քվեարկել բանաձևի օգտին»,- Reuters-ը մեջբերում է Չուրկինի հայտարարությունը:
Այսօր ՄԱԿ ԱԽ-ն միաձայն հաստատել է Սիրիայի բանաձևի նախագիծը. այս մասին հայտարարել է ԱԽ-ում նախագահող ՄԱԿ-ում ԱՄՆ մշտական ներկայացուցիչ Սյուզան Ռայսը:
Հիշեցնենք. նախօրեին Չուրկինը հայտարարել էր, որ ՄԱԿ ԱԽ բանաձևի նախագիծը վերանայման կարիք ունի:
Ինչպես սպասվում է, դիտորդների առաջին խումբը, որը կուղևորվի Սիրիա, համաձայն բանաձի նախագծի, բաղկացած կլինի 10-12 մարդուց , հետագայում առաքելության կազմը կարող է ընդլայնվել մինչև 250 դիտորդ:
Ենթադրվում է, որ ՄԱԿ դիտորդների խումբը արդեն իսկ հաջորդ շաբաթվա սկզբին կարող է ժամանել Սիրիա, որպեսզի ստուգի` պահպանվո՞ւմ է արդյոք կրակի դադարեցման ռեժիմը:
