Ֆրանսիայի ոստիկանությունը շաբաթ օրը ձերբակալել է մի շարք սպանությունների կասկածյալին, հաղորդում են ֆրանսիական ԶԼՄ-ները: Մարդասպանի առաջին զոհը եղել է Ժյուվիզի-սյուր-Օրժ քաղաքի բնակչուհի 35-ամյա կինը. նա սպանվել է 2011 թվականի նոյեմբերի 27-ին հրազենային վնասվածքներից: Երեք սպանություն կատարվել են փետրվարի 22-ին, մարտի 17-ին և ապրիլի 5-ին: Դատախազությունը հայտարարել է, որ բոլորը սպանված են եղել միևնույն զենքով` չնայած զոհերի միջև որևէ կապ չի եղել: Վերջին երեք զոհերը սպանվել են իրենց տների մուտքերում գլխին ստացած կարակոցներից:
Շաբաթ օրը Ֆրանսիայի ՆԳՆ-ն հաղորդել է, որ ոստիկանությունը 14:30-ին ձերբակալել է կասկածյալին` 33-ամյա մի տղամարդու:
Ձերբակալվածը ոստիկանական բաժանմունքում է, խուզարկվում է նրա տունը:
Ավելի վաղ դատախազությունը հայտնել էր, որ սպանություններն ահաբեկչության հետ կապ չունեն:
