Պաշտոնական Վաշինգտոնը կարծում է, որ Ուկրաինայի պաշտպանության նախկին նախարարի պաշտոնակատար Վալերի Իվաշչենկոյի նկատմամբ կայացված դատավճիռը ցույց է տալիս Ուկրաինայում ընտրական արդարության վիճակը:
ԱՄՆ իշխանությունը արտահայտում է իր հիասթափությունն այս առնչությամբ: Այս մասին նշված է Ուկրաինայում ԱՄՆ դեսպանատան պաշտոնական կայքէջում:
«Երկրի նախկին պաշտպանության նախարար Իվաշչենկոյի գործունեության դատապարտման առիթով մենք խորապես հիասթափված ենք Ուկրաինայում ընտրական արդարության այս վերջին օրինակից ու կոչ ենք անում նրան ազատել՝ հատկապես հաշվի առնելով նրա առողջական վիճակը 18 ամսվա նախնական կալանքի պայմաններում»,- նշված է հայտարարության մեջ:
Հիշեցնենք, որ ապրիլի 12-ին Կիևի Պեպերսկի շրջանային դատարանը Ուկրաինայի պաշտպանության նախկին նախարարի ժամանակավոր պաշտանակատար Վալերի Իվաշչենկոյին դատապարտել է 5 տարվա ազատազրկման:
Համաձայն դատավճռի` Իվաշչենկոն զրկվել է քաղծառայողի երկրորդ աստիճանից և շուրջ 3 տարով զրկվել կազմակերպչական-ադմինիստրատիվ-տնտեսական պաշտոններ զբաղեցնելու իրավունքից:
Վերջինս մեղադրվում է նրանում, որ 2009թ. նոյեմբերին, կատարելով երկրի պաշտպանության նախարարի պարտականությունները Յուլյա Տիմոշենկոյի կառավարությունում, չարաշահել է ծառայողական պարտականությունները: