Սպիտակ տունը հայտնել է, որ ԱՄՆ նախագահ Բարաք Օբաման և Գերմանիայի կանցլեր Անգելա Մերկելը երեկ հեռախոսազրույցի ժամանակ ասել են, որ Սիրիայի նախագահ Բաշար Ասադի կառավարությունը չի կատարում ՄԱԿ-ի և Արաբական Լիգայի հատուկ բանագնաց Քոֆի Անանի խաղաղության ծրագրի պայմանները:
Հիշեցնենք, որ Դամասկոսը համաձայնել էր մինչև երեքշաբթի հանել սիրիական բանակը քաղաքներից, բայց դա այդպես էլ տեղի չունեցավ:
Սպիտակ տունը Օբամայի և Մերկելի հեռախոսազրույցի մասին պաշտոնական հայտարարության մեջ գրել է, որ նախագահն ու կանցլերը միևնույն անհանգստություններն են ունեցել այն հարցի շուրջ, որ Սիրիայի նախագահը չի կատարում Քոֆի Անանի ծրագրի պահանջները և շարունակում է անընդունելի բռնությունները իր սեփական ժողովրդի դեմ:
Օբաման ու Մերկելը համաձայնության են եկել այն հարցում, որ անհրաժեշտ է կրկին կազմակերպել ՄԱԿ-ի Անվտանգության խորհրդի հանդիպում` ավելի վճռական քայլերի դիմելու համար: