«Այն օրվանից, երբ Աժ պատգամավոր, պատգամավորի թեկնածու Սամվել Ալեքսանյանը որոշեց բիզնեսը թողնել ու մտնել քաղաքականության, լրջորեն աշխատում է իր իմիջի վրա, որպեսզի որևէ մեկը կասկած չունենա, որ ինքն առաջվա օլիգարխ Լֆիկ Սամոն է»,- գրում է «Ժողովուրդ»-ը և հավելում.
«Նա քաղաքում շրջում է փոքրիկ «Սմարտ» ֆիրմայի ավտոմեքենայով: Իհարկե, 12 հազար դոլարանոց ավտոմեքենայի հետևից մի քանի հարյուր հազար դոլարանոց ավտոմեքենաներով շրջում են նրա թիկնապահները, բայց կարևորն այն է, որ պատգամավորը ժողովրդի հետ հանդիպման ժամանակ ներկայանում է այսպիսի համեստ մեքենայով:
Չի բացառվում, որ նման ավտոմեքենա վարելու իրական պատճառը բենզինի գնի բարձրացումն է. Սամվել Ալեքսանյանը փող չունի հզոր շարժիչով մեքենա վարելու համար: Ինչ լավ կլիներ, որ ավտոմեքենաները շաքարավազով աշխատեին: Ի դեպ, այս ֆիրմայի ավտոմեքենաներով քաղաքում պիցցա են առաքում»:
