Ведомости-ն տեղեկացնում է, որ Ernst & Young-ի ռուսական ստորաբաժանումը հետազոտություն է կատարել` որոշելու համար Բրազիլիայում 2014 թվականին կայանալիք ֆուտբոլի աշխարհի առաջնության ազդեցությունն այդ երկրի տնտեսության վրա:
Արդյունքները վկայում են այն մասին, որ աշխարհի առաջնության կազմակերպումը կնպաստի Բրազիլիայի տնտեսության վերելքին: 2010-2014 թվականներին երկրին կտրամադրվի հավելյալ 142.4 մլրդ բրազիլական ռեալ: Հարկերի տեսքով երկրի բյուջե կմտնի լրացուցիչ 18.13 մլրդ ռեալ:
Բրազիլիայում կբացվի 3.63 մլն նոր աշխատատեղ, իսկ բնակչության եկամուտները կաճեն միանվագ 63.48 մլրդ բրազիլական ռեալով:
Հարկ է նշել նաև, որ 2016 թվականին Բրազիլիայում կանցկացվի ևս մեկ սպորտային խոշորագույն միջոցառում` Ռիո- դե-Ժանեյրոյում կանցկացվի ամառային Օլիմպիադան:
