Նյու Ջերսիում ամերիկացին կենդանի է մնացել այն բանից հետո, երբ պատահաբար սրտի մեջ է մտցրել 10 սմ-անոց մի մեխ: Այս մասին հաղորդում են տեղական լրատվամիջոցները:
Միջադեպը տեղի է ունեցել այն ժամանակ, երբ 52-ամյա շինարարը վերանորոգել է մի առանձնատան կտուր: Տղամարդու մեխանիկական մուրճը չի աշխատել, և որոշելով այն կարգի գցել, պատահաբար ուղղել է դեպի իրեն: Այդ ժամանակ մուրճը, որով հնարավոր է հաստ մեխեր մեխել ծառի մեջ, աշխատել է, և մեխը մտել է ուղիղ շինարարի կրծքավանդակը:
Մեխը վնասել է աջ փորոքը, որը պատասխանատու է թոքերին արյուն մատակարարելու համար: Այդ պահին նրա սիրտը կանգնել է: Տուժածի կողքին նրա տղան է եղել, որն անմիջապես շտապօգնություն է կանչել:
Զարմանալի է, որ շինարարը կենդանի է մնացել` չնայած վիրաբուժական օգնություն ցույց է տրվել միջադեպից ոչ անմիջապես հետո: Մոտակա հիվանդանոցում համապատասխան բժիշկ չի եղել նման վիրահատություն անելու համար, իսկ նրան այլ հիվանդանոց տեղափոխելու ժամանակ բժշկական ուղղաթիռը երկար ժամանակ չի կարողացել ժամանել վատ եղանակի պատճառով: Ի վերջո, շինարարին հասցրել են համապաստասխան մասնագետների մոտ, որոնք էլ փրկել են նրան:
