ՈւԵՖԱ-ի նախագահ Միշել Պլատինիի և Անգլիայի Պրեմիեր Լիգայի նախագահ Դեյվ Ռիչարդսի միջև առաջացած հակամարտությունը գնալով խորանում է:
Նախորդ շաբաթ Ռիչարդսը համեմատեց ՈւԵՖԱ-ն և ՖԻՖԱ-ն «գանգստերական խմբավորումների» հետ. «Անգլիացիներն են ստեղծել ֆուտբոլը, սակայն եկան ՈւԵՖԱ-ն և ՖԻՖԱ-ն, որոնք իրենց օրենքները բերեցին և գողացան ֆուտբոլը Անգլիայից»:
Հիշեցնենք, որ այդ հակամարտությունն առաջացել էր այն բանից հետո, երբ ՖԻՖԱ-ն որպես 2022 թվականի ֆուտբոլի Աշխարհի խաղերը հյուրընկալող երկիր ընտրեց Քուվեյթը:
«Եթե դուք պատրաստվում էիք հաղթող ճանաչել Քուվեյթին՝ պատճառաբանելով, որ պետք է ողջ աշխարհում ֆուտբոլը հավասարապես զարգացնել, ապա ինչո՞ւ մեզ ստիպեցիք ծախսել 19 մլն ֆունտ՝ մեր հայտը պատշաճ մակարդակով ներկայացնելու համար»,- ասել է Ռիչարդսը:
ՈւԵՖԱ-ի նախագահ Միշել Պլատինին այդ խոսքերից հետո սպասում է Ռիչարդսի ներողությանը:
«Երևի թե ես մոլորվել եմ ՈւԵՖԱ-ի սենյակներում…», – ասել է Պլատինին ի՝ պատասխան լրագրողների հարցին, թե արդյոք Ռիչարդսը ներողություն խնդրե՞լ է իրենից:
«Մենք «խմբավորում» չենք: Անգլիացիները աշխարհին պարգևել են ֆուտբոլը, սակայն դա իրենց սեփականությունը չէ»,- ավելացրել է Պլատինին։
68-ամյա Ռիչարդսը չի ներկայացել Ստամբուլում կայացած ՈւԵՖԱ-ի համագումարին, չնայած այն հանգամանքին, որ պետք է նոր պայմանագիր կնքեր Միշել Պլատինի հետ՝ Անգլիայի Պրեմիեր Լիգայի և ՈւԵՖԱ-ի համագործակցությունը շարունակելու համար:
