Ադրբեջանական Day.Az-ին տված հարցազրույցում Թուրքիայի խորհրդարանի պատգամավոր Սալիհ Քափուսոզը, որը նաև իշխող «Արդարություն և զարգացում» կուսակցության անդամ է, հայտնել է, որ թեպետ Թուրքիան հայ-թուրքական կարգավորմամբ ցանկանում է Հարավային Կովկասում հաստատել կայուն խաղաղության, բայց այդ ուղղությամբ լուրջ քայլերի չի դիմի, քանի դեռ չի լուծվել ղարաբաղյան հիմնախնդիրը: Առաջընթացը պետք է լինի երկու ուղղություններով, այլապես այն չի հաջողվի:
Ըստ նրա՝ 2011 թ. համար Թուրքիայում կան որոշակի ծրագրեր, քանի որ պետք է հասկացնել, որ «սառեցված հակամարտությունները» ոչ մեկին օգուտ չեն բերում: Նա նաև ասել է, որ ղարաբաղյան հակամարտության կարգավորումից ամենաշատը կշահի Հայաստանը, որը դուրս է մնացել տարածաշրջանային մեծ ծրագրերից:
