Լեռնային Ղարաբաղի Պաշտպանության բանակի օպերատիվ տվյալներով` մարտի 25-31-ը Ղարաբաղի եւ Ադրբեջանի զորքերի շփման գծում հակառակ կողմից արձանագրվել է հրադադարի ռեժիմի շուրջ 300 խախտում, որի ընթացքում տարբեր տրամաչափի հրաձգային զինատեսակներից հայկական դիրքապահների ուղղությամբ արձակվել է ավելի քան 1200 կրակոց:
Հակառակ ադրբեջանական կողմի պնդումների, որը հրադադարի խախտումների մասին իր ամենօրյա հաղորդումներում դրանց համար մեղադրում է հայկական զինուժին, Ղարաբաղի ռազմական գերատեսչության լրատվության եւ քարոզչության բաժինը շեշտում է. – «Պաշտպանության բանակի առաջապահ զորամասերը հիմնականում ձեռնպահ են մնացել պատասխան գործողություններից եւ վստահորեն իրականացրել մարտական հերթապահություն»։
