Goal.com-ի փոխանցմամբ` Մադրիդի «Ռեալ»-ի գլխավոր մարզիչ Ժոզե Մոուրինյոն 2012/13թթ. մրցաշրջանից սկսած կգլխավորի «Մանչեսթեր Սիթի»-ն: Պորտուգալացի մասնագետն այդ մասին արդեն հայտնել է «արքայական ակումբ»-ի նախագահ Ֆլորենտինո Պերեսին:
Մարզիչն այդ որոշումը կայացրել է «Ռեալ»-ի ավագ Իկեր Կասիլյասի հետ լարված հարաբերությունների պատճառով: Իսպանիայի առաջնության 29-րդ տուրից հետո ֆուտբոլիստները մարզչից գաղտնի հավաք էին կազմակերպել, որը նույնպես դուր չէր եկել Ժոզեին:
Չեմպիոնների Լիգայի գավաթի ընթացիկ խաղարկության քառորդ եզրափակիչի շրջանակներում կայացած «ԱՊՕԷԼ» – «Ռեալ» հանդիպման առաջին խաղակեսից հետո ակումբի նախագահ Ֆլորենտինո Պերեսն այցելել է «Ռեալ»-ի հանդերձարան և ֆուտբոլիստներից պահանջել է հարգալից վերաբերմունք իրենց մարզչի նկատմամբ:
