Պետդումա օրինագիծ է ընդունվել, որը վարչական պատասխանատվություն է սահմանում անչափահասների շրջանում միասեռականության քարոզչության համար: Այս մասին հայտնում է Intetfax-ը:
Նովոսիբիրսկի շրջանի օրենսդիր ժողովը իշխանություններին առաջարկում է փոփոխություններ կատարել Վարչական իրավախախտումների մասին օրենսգրքում, որի համաձայն`անչափահասների շրջանում միասեռականության քարոզչության համար քաղաքացիները կարող են տուգանվել 4000-5000 ռուբլով: Պաշտոնատար անձանց դեպքում տուգանքը պետք է կազմի 40.000-ից մինչև 50.000 ռուբլի, իսկ իրավաբանական անձինք պետք է վճարեն 400.000-ից մինչև 500.000 ռուբլի տուգանք:
«Ժամանակակից Ռուսաստանում միասեռականության քարոզչությունը լայն տարածում է գտել»,- նշված է օրինագծի հեղինակների բացատրական գրառման մեջ: Ընդ որում` նշվում է, որ քարոզչությունը հաճախ կատարվում է ԶԼՄ-ների ու հասարակական ակցիաների միջոցով, որոնք միասեռականությունը դիտարկում են որպես նորմալ վարքագիծ:
Օրինագծի հեղինակները պնդում են, որ իրենց նախաձեռնությունը չի կարող դիտարկվել որպես քաղաքացիների սահմանադրական իրավունքի ոտնահարում:
