Թունիսի նախագահ Մոնսեֆ Ալ-Մարուզկին բացառել է Սիրիայի գործերին որևէ ռազմական միջամտություն և նախագահ Բաշար Ասադին կոչ է արել կամավոր հեռանալ նախագահի պաշտոնից:
«Սիրիայում վարչակարգը ձգտում է առավելագույնս երկարաձգել իր գոյությունը: Անհրաժեշտ է նրա վրա քաղաքական ճնշումն ուժեղացնել և նրա ներկայացուցիչներին հասկացնել, որ վարչակարգը մարդկանց մտքերում և սրտերում արդեն մահացել է: Անհրաժեշտ է, որ այն դադարեցնի իր գոյությունը, քանի որ ապագա չունի»,- ասել է Մարզուկին Արաբական պետությունների լիգայի հերթական գագաթնաժողովի ժամանակ։ Այս մասին հաղորդում է Интерфакс-ը:
Հիշեցնենք, որ Իրաքի իշխանությունները դեմ են Սիրիայում որևէ արտաքին ռազմական միջամտությանը, սակայն խրախուսում են սիրիական ժողովրդի ազատության ձգտումը։ Այս մասին չորեքշաբթի օրը հայտարարել էր Իրաքի ԱԳ նախարար Խոշիյար Զիբարին:
Ելույթ ունենալով Բաղդադում ԱՊԼ անդամ-երկրների ԱԳՆ ղեկավարների հանդիպման ժամանակ՝ Զիբարին ասել էր, որ իր երկիրը սատարում է ՄԱԿ–ի և ԱՊԼ–ի հատուկ պատվիրակ Քոֆի Անանի՝ Սիրիայի ճգնաժամից ելք փնտրելու ջանքերը:
Մարտի 27-ին Բաղդադում բացվել է ԱՊԼ գագաթնաժողովը, որին 20 տարվա ընթացքում և Արաբական ֆորումի պատմության մեջ առաջին անգամ մասնակցում են շիա կառավարություն ունեցող երկրներ:
Փորձագետները կարծում են, որ ԱՊԼ–ն Բաղդադին արաբական քաղաքական արենայում իր դերակատարությունը ցույց տալու լուրջ հնարավորություն է տալիս
