Այսօր Նիկոսիայում տեղի կունենա Չեմպիոնների Լիգայի գավաթի ընթացիկ խաղարկության քառորդ եզրափակիչի «ԱՊՕԵԼ» – «Ռեալ» դիմակայության առաջին հանդիպումը:
Գերմանական հայտնի transfermarkt.de կայքը հայտնել է, որ «ԱՊՕԵԼ»-ի ողջ կազմը գնահատվում է 15 մլն եվրո, իսկ ամենաթանկարժեք ֆուտբոլիստը համարվում է Աիլտոնը, ում տրանսֆերային արժեքը 1.6 մլն եվրո է:
Մադրիդի «Ռեալ»-ի առաջատար Քրիշտիանու Ռոնալդուի տարեկան աշխատավարձը կազմում է 13 մլն եվրո, իսկ տարեկան եկամուտը՝ 29.2 եվրո: Պորտուգալացին գործող պայմանագրեր ունի այնպիսի հանրահայտ ընկերություննրի հետ, ինչպիսիք են Nike, Castrol, Konami և Clear/Unilever։
Կարելի է ենթադրել, որ Ռոնալդուն միայնակ կարող է գնել «ԱՊՕԵԼ»-ի ողջ կազմը:
