ԱՄՆ-ում 35-ամյա ցանցահենին, որը կոտրել է ամերիկացի հայտնի աստղերի համակարգիչները և գողացել անձնական բնույթի լուսանկարներ, սպառնում է մինչև 60 տարվա ազատազրկում:
Ավելի վաղ հայտնի դերասանուհի Սքարլետ Յոհանսոնը դիմել էր դատարան` բողոքելով, որ գողացել են իր անձնական բնույթի լուսանկարները: Հետագայում պարզվել է, որ նույն տղամարդը կոտրել է նաև դերասանուհի Միլա Կունիսի, երգչուհի Քրիստինա Ագիլերայի համակարգիչները:
Այժմ ցանցահենին սպառնում է ազատազրկում ոչ միայն հայտնի մարդկանց համակարգիչները կոտրելու, այլ նաև անձնական բնույթի լուսանկարները տարածելու համար: Մեղադրյալի փաստաբանի խոսքերով՝ իր հաճախորդը ցանկանում է ընդունել մեղքը: Հակառակ դեպքում նրան սպառնում է մինչև 60 տարվա ազատազրկում:
Հիշեցնենք, որ Յոհանսոնի նկարները համացանցում հայտնվել էին 2011թ. սեպտեմբերին: Դեպքի հետքննությանը մասնակցում է նաև Հետախուզության դաշնային բյուրոն: Ի սկբանե ենթադրվում էր, որ այդ ամենի ետևում կանգնած է Hollywood Leaks ցանցահենային խմբավորումը, սակայն ամեն ինչ շատ ավելի պարզ էր. այդ ամենի ետևում կանգնած է միայնակ գործող ցանցահեն, ում հետաքրքրում էր միայն փողը:
