Այսօր՝ կյանքի 62-րդ տարում, վախճանվել է հայ անվանի հրաձիգ Զինաիդա Սիմոնյանը, այս մասին տեղեկացնում է Կրթության և գիտության նախարարությունը:
Զինաիդա Սիմոնյանը ԽՍՀՄ բազմակի չեմպիոն էր (1966-1985թթ.), Եվրոպայի 15-ակի չեմպիոն (1973-1983թթ.), Եվրոպայի եռակի բացարձակ չեմպիոն (1975թ., 1976թ., 1979թ.), աշխարհի քառակի չեմպիոն (1974-1981թթ.):
Նա նաև ԽՍՀՄ սպորտի վաստակավոր վարպետ (1975թ.) էր: 1996–ից աշխատել է ՀՀ կրթության և գիտության նախարարության հրաձգության հանրապետական մասնագիտացված մարզադպրոցում: 2008–ից մարզադպրոցի տնօրենն էր:
Հաստանի ազգային օլիմպիական կոմիտեի գործադիր կոմիտեի անդամ էր 2003–ից:
