Moody’s վարկանիշային գործակալությունը եվրոպական պետություններին ինքնատիպ խորհուրդ է տվել: Ընկերության ղեկավար Ռեյ ՄըքԴենեիլն աջակցություն է հայտնել այլընտրանքային գործակալություններ ստեղծելու գաղափարին, որոնք կկարողանային մրցակցել ամերիկյան «մեծ եռյակի» հետ:
«Սոցիալական ինստիտուտները, որոնք բավական հեղինակություն ունեն և ի վիճակի են վերլուծել իրադրությունը, պետք է կազմեն եվրոպական սուվերեն պարտատոմսերի վարկանիշները,- կարծում է նա: – Դա լավ այլընտրանք կլիներ Հին աշխարհի իշխանությունների հռետորաբանությանը, որոնք ամերիկյան գործակալություններին մեղադրում են վարկանիշային գնահատականներն իջեցնելու մեջ»: Բացի այդ, ՄըքԴենիելն առաջարկել է հրաժարվել կարգավորողների վարկանիշներն օգտագործելուց, որը գործակալությունների ամենակարողության տպավորություն է թողնում:
Այսպիսի մեկնաբանությունը անսպասելի էր շուկայի համար, սակայն Moody’s-ը դրանով, կարծես թե, մարտահրավեր է նետում Եվրամիությանը , որը վաղուց խոստացել է «եռյակին» այլընտրանքային գործակալություն ստեղծել, բայց մինչ այժմ իրական արդյունքների չի հասել:
