Նախկին արտգործնախարար Ալեքսանդր Արզումանյանը այսօր հրավիրված մամուլի ասուլիսի ժամանակ հայտարարեց. «ԱԳ նախարար էդվարդ Նալբանդյանի տարեվերջյան ասուլիսը նման էր «ժեկի պետի» ասուլիսի: Թե ով քանի երկիր է այցելել… Նույն կերպ «ժեկի պետն» է հայտարարում, թե որքան ասֆալտ է փռել»:
Ըստ Ալեքսանդր Արզումանյանի` ֆուտբոլային դիվանագիտությունը վախճան է ապրել, և ԱԳՆ-ն շարժվում է փիառ կամպանիայով: Նա ասաց, որ ԵԽԽՎ բանաձևերը շարունակում են մնալ անտեսված, քաղբանտարկյալները անազատության մեջ են, մարդու իրավունքների խախտումներ են լինում:
Ինչ վերաբերում է ֆուտբոլային դիվանագիտությանը, նախկին արտգործնախարարը կարծիք հայտնեց, որ հայ-թուրքական հարաբերությունները պետք է սկսել զրոյից: Հայաստանի առջև ծառացած ամենակարևոր մարտահրավերը, ըստ Ալեքսանդր Արզումանյանի, այն է, որ թույլ չտանք պատերազմի վերսկսումը:
