Երեկ Երևանի «Միկա»-ն երկրորդ հանդիպումն անցկացրեց Սանկտ Պետերբուրգում ընթացող «Համագործակցության գավաթի» խաղարկության շրջանակներում: Հայկական ակումբը 1 միավոր վաստակեց ղազախական «Տոբոլ»-ի հետ մրցավեճում: Շահգելդյանի սաները հաշվի մեջ 2 անգամ առջևում էին, բայց չկարողացան հանդիպումը հասցնել հաղթական ավարտի: 25-րդ րոպեին հաշիվը բացեց Նարեկ Բեգլարյանը, 52-րդ րոպեին Իգոր Յուրինինը հավասարեցրեց այն: 59-րդ րոպեին Բոտի Դեմելը կրկին առաջ մղեց «Միկա»-ին, բայց 15 րոպե անց ղազախներին հաջողվեց հավասարեցնել հաշիվը: «Միկա»-«Տոբոլ»` 2:2: B խմբի մյուս խաղում նույնպես ոչ-ոքի արդյունք գրանցվեց` «Սկոնտո»-«Բունյոդկոր»` 1:1: