Грузия Online-ի փոխանցմամբ՝ Վրաստանում ԱՄՆ դեսպանի թեկնածու Ռիչարդ Նորլանդը այսօր իր թեկնածության շուրջ Սենատում տեղի ունեցած լսումների ժամանակ հայտարարել է, որ Վաշինգտոնը որոշում է ընդունել Վրաստանին M4 տիպի ինքնաձիգների վաճառքի մասին:
Նորլանդը վստահեցրել է, որ ռազմական ոլորտում Վրաստանի ու ԱՄՆ-ի փոխհարաբերությունները պետք է լինեն չափազանց սերտ: Նորլանդը կարևորել է Վրաստանի պաշտպանական ոլորտում բարեփոխումների անցկացումն ու Միջազգային անվտանգության աջակցության ուժերի (ISAF) առաքելության կազմում Վրաստանի մասնակցության շարունակումը:
Հիշեցնենք, որ Վրաստանն առաջին անգամ ԱՄՆ-ից M4 տիպի ինքնաձիգ է ստացել 2007 թվականի վերջին, ինչը, սակայն, հայտնի է դարձել 2008 թվականի հունվարին:
