Արարատի մարզի Ջրաշեն գյուղում այսօր ժամը 19-ի սահմաններում հայտնաբերված, դաժանորեն մորթված, ազգությամբ եզդի կնոջ դիակի վրա հայտնաբերված երկտողից պարզ է դարձել, որ կատարված սպանությունը կնոջ պարտքերի պատճառով է եղել, իսկ համաձայն այլ տեղեկությունների, նրա Ռուբեն անունով որդու` Հայաստանում թողած պարքերի վրեժխնդրությունն է եղել:
Ջրաշենի գյուղապետ Արտյոմ Ղազարյանն «Առաջին լրատվական»-ի հետ զրույցում նշեց, որ սպանված կինը իր ամուսնու հետ Ջրաշենում ապրել է միայնակ, իսկ նրա 5 զավակները Հայաստանում չեն: Գյուղապետի տվյալներով, սպանության ժամանակ կինը տանը միայնակ է եղել, իսկ թե ով կարող է լինել այս սպանության հետևում` առայժմ պարզ չէ:
Լուսանկարները՝ Գագիկ Շամշյանի
news.armeniatv.am
