Նիգերիայի ֆինանսների նախարար Նգոզի Օկանջո-Իվեալան և Կոլումբիայի ֆինանսների նախկին նախարար Խոսե Անտոնիո Օկամպոն կառաջադրվեն որպես Համաշխարհային բանկի (ՀԲ) նախագահի թեկնածու: Այս մասին հաղորդում է Reuters –ը՝ վկայակոչելով իրավիճակին մոտ կանգնած աղբյուրները:
Ըստ այդ տեղեկատվության՝ նրանց թեկնածությունը կպաշտպանեն Բրազիլիան և Հարավաֆրիկյան Հանրապետությունը:
Համաշխարհային բանկի անդամ երկրները մինչև մարտի 23-ը պետք է ներկայացնեն նախագահի պաշտոնի թեկնածուներին, իսկ որոշումը կկայացվի ապրիլին:
Ավանդաբար ՀԲ նախագահ է նշանակվում ԱՄՆ թեկնածուն, իսկ Արժույթի միջազգային հիմնադրամի նախագահ՝ Եվրոպայի: BRICS անդամ երկրները (Բրազիլիա, Ռուսաստան, Հնդկաստան, Չինաստան, Հարավաֆրիկյան Հանրապետությիւն) վերջին ամիսներին հայտարարում են, որ անհրաժեշտ է վերջ այդ մոտեցմանը:
Ավելի վաղ հաղորդվում էր, որ ԱՄՆ-ը ուսումնասիրում է ՀԲ ղեկավարի պաշտոնում 4 թեկնածուների հավանականությունը. դրանք են Pepsi-ի գլխավոր տնօրեն Ինդրա Նուուին, ՄԱԿ-ում ԱՄՆ դեսպան Սյուզան Ռայսը, ԱՄՆ նախագահին կից տնտեսական հարցերով խորհրդի նախկին ղեկավար Լարի Սամերսը և ԱՄՆ Սենատի միջազգային հարաբերությունների հարցերով կոմիտեի ղեկավար Ջոն Քերին:
BRICS երկրները խոստացել են իրենց թեկնածուին առաջադրել այս շաբաթ:
