Ֆրանսիայի նախագահական ընտրությունների թեկնածու, երկրի գործող նախագահ Նիկոլա Սարկոզին վիրավորել է տեղի հեռուստաալիքներից մեկի լրագրողին, երբ վերջինս նրանից մեկնաբանություն է խնդրել:
Ինչպես հաղորոդում է The Local-ը, լրագրողը հարցրել է, թե ինչու է նախօրեին մետալուրգների ցույցի ժամանակ նրանց դեմ արցունքաբեր գազ օգտագործվել, երբ նրանք փորձել են գրոհել Փարիզի նախագահական նստավայրը:
«Դուք ավելի շուտ կցանկանայիք խուսափել դրանից, այնպես չէ՞,- հարցրել է Սարկոզին LCI լրատվական ալիքի լրագրողին:- Ինչո՞ւ ես պետք է ուշադրություն դարձնեմ, թե ինչ ես դու ինձ ասում: Ի՞նչ ես դու ուզում դրանով ինձ ասել»:
«Ես չգիտեմ»,- պատասխանել է նման դիտողությունից մի փոքր զարմացած լրագրողը:
«Այ քեզ տականք,- ասել է նախագահը և մի փոքր հեռանալով նրանից՝ ավելացրել,- քո ժամանակն անցել է»: Այնուհետև, գիտակցելով սխալը, նա վերադարձել է և լրագրողի ուսին թփթփացնլով՝ ասել. «Նա լավ տղա է, նա երիտասարդ է»:
