Կարապետ Ռուբինյանը ելույթ ունենալով «Ազատ դեմոկրատներ» կուսակցության համագումարին՝ ասաց.
«Կուսակցությունը, լինելով ղարաբաղյան շարժման ու հանրապետության ստեղծման հիմքերում, ի տարբերություն անմիջական ազատականություն դրսևորած ՀՀՇ-ի, որը ձևավորվեց հեղհեղուկ, անկայուն միջավայրի հիման վրա, ունի ավելի ուժեղ գաղափարախոսական հենք։ Այժմ շատ ավելի մեծ են մեր՝ ձեր գաղափարները կիսողների սպասելիքները:
Ապացուցեք, որ «Ժառանգության» հետ միասին կարող եք բարի կամքով և գաղափարի շուրջ համագործակցելու ձեր ունակությամբ ճեղքել ստի ու կեղծիքի գաղջ մթնոլորտը, որը նման է բրեժնևյան ժամանակաշրջանին:
Ազգային բարերարի դիմակով ներկայացող տեղացիների մեծ մասը թալանչիներ են, տալիս են ինչ-որ բան` հարյուրապատիկը թռցնելու համար, բայց նրանց ծափահարում են:
Նախընտրական դաշինքը երկու կուսակցությունների համար միակ հաղթական լուծումն է: Անկախ նրանից՝ կպակասեն, թե կավելանան ձեր ձայները, ներկայիս քրեաօլիգարխիկ համակարգին հայտարարեք ձեր դեմ լինելու մասին: Չկայացած նախագահական կառավարման համակարգը պետք է փոխարինվի կառավարման խորհրդարանական համակարգով»:
