Նոր Նորք եւ Ավան վարչական շրջանների առաջին ատյանի դատարանը հրապարակեց հայրենիքի դավաճանության մեջ մեղադրվող, ազատամարտիկ Գեւորգ Հայրապետյանի դատավճիռը եւ նրան դատապարտեց 12 տարվա ազատազրկման: Իսկ նույն գործով Իրանի քաղաքացի, լրտեսության մեջ մեղադրվող Բաղերին դատապարտվեց 10 տարվա ազատազրկման: Դատավճռի հրապարակումից հետո դատարանի մուտքի մոտ բողոքի ակցիա են սկսել Գեւորգի հարազատներն ու Քարվաճառից ժամանած մարտական ընկերները: Սույն գործով ներգրավված պաշտոնատար անձանց անվտանգությունն ապահովելու նկատառումներով դատարանի շենքի մոտ են բերվել ոստիկանության հատուկ ջոկատայինները:
Հիշեցնենք, որ Գեւորգ Հայրապետյանը մեղադրվում է Ադրբեջանի հատուկ ծառայություններին Հայաստանի միջազգային հեղինակությունը վարկաբեկող տեղեկություններ փոխանցելու մեջ:
